Sar Jhukaya Tou Patthar Sanam

Poet: Hazarat Allama Mohammad Iqbal Qasoori

Duration: 15:48

Lekar Tumhara Naam Jahan Sar Jhuka Diya

Meine Usi Dayaar Ko Kaaba Bana Diya

Sar Jhukaya Tou Patthar Sanam Ban Gaye Ishq Bhatka Tou Haq Aashna Hogaya

Rashq Karta Hai Kaaba Mere Kufr Par Maine Jis But Ko Pooja Khuda Hogaya

Gumrahi hai ki Mae’raj Hai Ishq Ki, Ae Junoon Bol Manzil Hai Ye Kaunsi

Uske Ghar Ka Pata Poochte Poochte Poochne Wala Khud Lapata Hogaya

Mein Muhabbat Se Munh Mod Leta Agar, Toot Padti Ye Bijli Kisi Aur Par

Mere Dil Ki Tabaahi Se Ye Tou Hua Kam Se Kam Doosroun Ka Bhala Hogaya

Waqt, Ahbaab, Parchayi, Sooraj, Kiran, Log, Duniya, Khushi, Chaandni, Zindagi

Mere Mehboob Ik Tere Gham Kay Siwa Jo Mila Raastey Mein Judaa Hogaya

Karobaar e Tamanna Mein Ye Tou Hua Unke Qadmon Pe Marne Ka Mauqa Mila

Zindagi Bhar Tou Ghaata Uthatey Rahe Aaj Pehli Daffa Faida Hogaya

Aisa Bhatka Ki Lauta Nahi Aaj Tak, Aisa Bhichda Ki Aaya Nahi Aaj Tak

Dil Bhi Kambhakt Hai Is Qadr Bhawla Aapke Ghar Gaya Aapka Hogaya